अफ्रिकन भायोलेट (सेन्टपाउलिया)

यसको वैज्ञानिक नाम Streptocarpus spp हो। यो पनि फूल फूल्ने इन्डोर बिरुवाहरु मध्येको महत्वपूर्ण प्रजाति हो। यसलाई झ्यालको नजिक झ्याल बाहिर लगाइएको बिरुवाहरुको हल्का छहारी पर्ने गरी लगाउँदा राम्रो हुन्छ । अफ्रिकन भायोलेटमा बढी पानी हालेमा, अत्याधिक ठण्डी भएमा वा चर्को घाम परेमा नोक्सान पुग्दछ । नत्रभने यसलाई हुर्काउन त्यति गारो छैन ।

यसको लागि उपयुक्त तापक्रम १८–२४ डि.से. हो। यसको लागि २ हप्तामा एकपटक फस्फोरसको मात्रा बढी भएको पानीमा घुल्ने मल दिनु पर्दछ । यसलाई लगाइएको गमलाको माटोमा सधैं हल्का चिस्यान कायम राख्नु पर्दछ । बिरुवामा पानी दिँदा पातमा पर्नबाट जोगाउनु पर्दछ । यसलाई वर्षको एकपटक रिपटिङ्ग गर्नु पर्दछ ।

रिपटिङ्ग गर्दा एक तिहाई जरा काटेर हटाउने र नयाँ गमलामा केही गहिरो गरी रोपिदिनु पर्दछ । यसको प्रसारण गाँज छुट्याएर गर्न सकिन्छ । त्यस्तै ५ से.मी. डाँठ सहितको स्वस्थ पातलाई रुटिङ्ग मिडियामा राखेर समेत प्रसारण गर्न सकिन्छ । यसरी राखेको पातमा करिब १ महिनामा जराको विकास हुन्छ र त्यसको करिब १ महिनामा नयाँ बिरुवा तयार हुन्छ । 

Source :