निलो रंगमा फूल्ने निलो गन्धे
समाचार शेयर गर्नुहोस्
Share this news
हामीले आफ्नै घर खेतबारी वरिपरी देखिरहने निलो गन्धे (वैज्ञानिक नाम आगेराटम हाउसटोनियानम ) एस्टरेसी परिवार अन्र्तगत पर्ने वनस्पति हो । यो एक मिटर सम्म अग्लो हुने एक वर्षीय झारपात वर्गमा पर्ने वनस्पति प्रजाति हो । यसका पात लाम्चो बेलनाकार आकृतिका करीब ७ सेन्टिमिटर सम्म लामो र २ सेन्टिमिटर सम्म चौडाइ भएका हुन्छन् । फेदतिरको पातको आकृति पानको पात आकारको हुन्छ र फूल निलो रंगमा फुल्दछन् । प्राकृतिक वासस्थान यो प्रजाति घाम लाग्ने तर अलि अलि सेपिलो ठाउँमा पाइन्छ ।
भौगोलिक वितरण : मेक्सिको र मध्य अमेरिका क्षेत्रवाट विश्वका अन्य क्षेत्रमा फैलिएको पाइन्छ । नेपालमा समुद्री सतहबाट १५० मिटर देखि १३०० मिटर सम्मको उचाइमा पाइन्छ ।
मुख्य विशेषताहरू: निलो गन्धे ३०-७० से.मि. सम्म अग्लो हुन्छ। यसका फूलहरु साना, नरम, डेजी जस्ता, प्राय: नीलो वा बैजनी रंगका हुन्छन्, तर कहिलेकाहीं गुलाबी वा सेतो रंगका पनि हुन्छन्। रम, कपालयुक्त, र मुटुको आकारका हुन्छन्। यो विशेषगरी गर्मी देखि शरद ऋतुसम्म फूल्छ।
उपयोगिता :
यसलाई आलङ्कारिक प्रजातिको रुपमा प्रयोग गर्न सकिन्छ । पातको रस काटिएको ठाउँमा लगाउँदा घाउ सञ्चो हुन्छ ।
Source : वनस्पति विभाग, मिचाहा वनस्पतिहरुको जानकारी , Wikipedia
